La venta ventro de la vintro

Mia lulilo
estis  la venta ventro de la vintro
en kiu temploj sen kulto
celebras la naskiĝon
de la frostaj ventokirloj
kaj de la   siblaj ŝtormegoj.

Ĝia kaveco el saliko min balancis
por evoki letargion ĉe la komenco
- pikan  ruliĝon de sudokcidenta vento,
akvimunan movon al torentaj pluvoj. -

Neĝstratumo,
falinta sur unuaj tagoj
de mirigita inerteco,
min  ĉirkaŭis en malintensa tepido;
ĝia silenta kraketado estis  printempa kantileno.